Wir Burgermeister, Rhaitt und gantze
Gemeinheitt der Stadt Saltzuffelen Thun Kundt und Bekennen freoueumitz
vor uns, unsere Nachkommen, unnd jdermennigclichen offentlich
bezeugende. Das wir von dem Wolgeborn-
nen und Edlen hernn Bernhartenn grafen und Edlenheren zur Lippe unserem
gnedigen heren, denn
Broichhof zu einem rechten erbanlheen empfhangen haben, Und thun das
auch jegemvertich In chrafft
die es nach vermoge und Inhalt des Lehenbriefs uns darüber
mitgedheilet und gegeben, Lautende wie hirnach
volget. Wir Bernhart grafe und Edlerhere zur Lippe Bekennen hirmit vor
uns den Wolgebornnen unnd Edlen
Heren Herman Simon grafen unnd Edelherenn zur Lippe unnseren
freuntlichenn lieben Bruider unser
beiden erben und jdermennigclichen offentlich bezeugende. Szo und
Nachdeme Joist Geissenbeir etwan Burger-
meister unser Stadt Saltzuffelenn Zubehoif derselbigen Unnser Stadt
einen Hoff genannt de Broichhof bey Saltz-
uffelenn gelegenn von dem wolgebornnen unserem freundtlichenn liebenn
heren Vatter lolblicher ehrlicher gedecht-
nis zu Lohenn empfangen welchere hof vonn Statius vonn Yonnichuisenn
durch auslassunge nach Lautd
Siegell unnd Briefenn ann Sie gekommenn. Unnd nun obgemelter Joist
Geissenbeir nachdem willen gotts
verstorben. Das wir dairumb Bernndt vonn der Lippe als denn itz
sitzende Burgermeister uns von wegen
der von Saltzuffelen durch Johan Geissenbeir unnd Johan Rinschen als
Burgermeister unnd mede rhaitts Litt-
massenn Presentiert, mitt demselbigenn Broickl ous zu einem Man
Erblheenn belheennt haben. Als davon
Monnichuisenn denn Inn Lehenischer wheer vonn Unsern Fuirfharenn unnd
Herschafften Lippe gehabt habenn,
Drauf von demselbigen gewonliche Loffel, Gulde unnd Ede empffangen, Uns
dauen treure und holtt zuseinn,
wie einn Mhan einem Lehenherenn zuthunde schuldig ist. Wannher aber
dieselbig Burgermeister chodts hal-
ber abginge. Sall der nachfolgende sitzennde Burgermeister, unnd so oft
das geschichtt, de guiter vonn unns
unnd unnserenn Erbenn woirtth empfhangenn. Des nach gebuir auch sein
Lofte unnd Edechunn. Wir nhe-
menn aber in dieser Belhenunge auss unnsere, unnser Erbenn unnd
Herschaftenn, auch Jedem seine gerechtigkheit
Alles ungefhewlich. Des Zu Zheuge habenn wir obgerurter Grafe
Bernnhartt unnser Innsiegell vor unns
unnd unnsere mitbeschriebenn wissentlichenn ann diesenn Brief thun
hangenn. Inn beiwesenn der Ern-
uestenn unnd Achtbarenn unser Lehen Mannenn Rhede, unnd liebenn
getreuwen Christoffers vonn Donope
Bernnhartt vonn der Lippe, Unnd Arnndt Smherhemen. Gegebenn nach der
gebuirtt Christj Im funfzehenn
hundirtenn drej unnd funfzigstem Jaire. Donnerstags nach Conuerswins
Paulj. Demnach rheden unnd
lobenn Wir Burgermeister, rhaitt unnd ganntze Gemeinheitt obgemeltt.
Das wir unnd unnsere mitgerurt
denselbigenn obgemeltenn Hof getrewlich vorwharenn. Von seinen gnaden
unnd derselbigenn Erbenn
zu rechter zeytt inhaltt des Lehennbriefs steitz empfangenn, getrewlich
vordhenenn. Seinenn gnadenn
unnd dieselbigenn mitbeschriebenn trewe unnd holtt seinn sollenn Unnd
wollenn. Seiner gnadenn bests
zuthunde. unnd argoste nach allem vermogenn zuwar mennde, Wie fulichs
alles Lehenmanne vom
Lehenherenn zuthunde schuldig seinn, Alles one gescheir Exceptionn unnd
Jonnich der rechtenn behilf,
und habenn des zu wharem Urkhuntt, unnd glaubenn fir unns jennd unnsere
mitbeschriebenn. ausere
sades Ingesugell wissenntlich unnd vestigelich ann diesenn heuers brief
gelangen. Data Anno dominj
tausennt funf hundirtt drey unnd funfzig am thage Purificationis Afarie |
Anmerkung
von Frau Dr. Gaß, die die Urkunde transkribiert hat: Die
Transkription der Urkunde verlief relativ erfolgreich. Die Schrift war
gut zu lesen und ich bin mir bei 90-95 % aller Worte auch sicher, sie
richtig notiert zu haben. Dabei habe ich darauf geachtet, die
Schreibweise der Worte (!) und die Zeilen exakt zu übernehmen. Ich
kann
Ihnen allerdings bei manchen Worten, obwohl vermutlich richtig gelesen,
die Bedeutung nicht erklären. Auch ist der Gesamtzusammenhang
zweifellos etwas „schwer verdaulich“. |
|
|